Laugardagur í sól og sumri

Komið sæl þið sem lesið þetta, líka þeir sem hafa ALDREI kvittað fyrir sig í gestabókina en eru reglulegir gestir:)
Það er allt gott að frétta. Jón og Ármann eru að klippa í garðinum og er ég að velta fyrir mér að hökta til þeirra á eftir. Leigendurnir eru að flytja í íbúðina og getur verið að við bíðum með að skipta um parket. Það semsagt lak vatn af ofni í stofunni og parketið blotanði. Tryggingarnar borga skemmdirnar. En núna þegar parketið er orðið þurrt þá sést lítið á því. Þetta er allt í athugun....
Ég litaði og plokkaði elsku litlu sætu mágkonu mína í gær og einsog alltaf þegar ég hef farið höndum um hana er allt annað að sjá gripinn. Ásdís var svo elskuleg að lita mig, það gekk svona ljómandi vel hjá henni:)
Farin var ferð á Laugarnesveginn í gærkvöldi. Þar voru allir hressir og kátir einsog alltaf. Mældur var þrýstingurinn hjá öllum með nýjum blóðþrýstingsmæli af flottustu gerð. Ég á eftir að drepast úr einhverju öðru en of háum blóðþrýstingi og þarf því ekki einsog er að PASSA ÞRÝSTINGINN:)
Ég fór og náði í fréttablaðið áðan sem er svosem ekki frásögufærandi. Í ferðinni hitti ég þennan fjallmyndarlega mann (sem ég hef ekki séð hérna áður) sem var líka að ná í fréttablaðið sitt. Ég fræddi Jón á því að í blokkina væri fluttur nýr og svona líka myndar maður. Nei, Katla þessi maður hefur búið hérna EINN í amk 2 ár!!!! Og hann er ný búinn að ná sér í "ljóta" konu með 2 börn (Jón sagði þetta). Sko, Jón er með á hreinu hjónabönd nágrannana. So sorry þið sem eruð á lausu/föstu og eruð að leita að góðu/betra mannsefni ég bara vissi af þessum manni hérna handa ykkur.

Hafðu það gott kveðja úr Arahólum þar sem FALLEGA, FRÆGA OG RÍKA FÓLKIÐ BÝR:)

Tíminn líður hratt á......

Það er kominn föstudagur og helgin framundan, þessar vikur fljúga áfram.
Fóturinn hefur það ágætt, sýkingin er öll að hverfa og Meistari Þorvaldur segir að fóturinn sé að lengjast. Það er svo enn ein skemmti heimsóknin á mánudag í Domus. Ég ætti kannski að færa þeim súkkulaði og ath hvort lifni ekki yfir þeim.

Örvar er að byrja í dag í lyfjameðferð. Við vonum bara og vitum að hann á eftir að losa sig við þetta krabba ógeð. Hann er svo jákvæður og það er fyrir öllu þegar fólk er að takast á við erfið verkefni. Jákvæðnin ein læknar margt.

Seinast heimsókn mín í sjúkraþjálfun Héðins verður í dag. Svanur er hættur og ég ákv að skipta um þjálfunarstað. Ég ætla að prófa að vera í Hreyfigreiningu og ég byrja þar eftir helgi. Það er ágætt að breyta aðeins til.

Fyrsta prófið hjá mér er á mánudag og það er í reikningsskilum. Það er því spurning að eyða nokkrum klst í að læra um helgina. Lærdómurinn hefur fengið að sitja á hakanum. Og það er bara LETI þar á ferð......

Góða helgi
Katla

Það er komið sumar

Já, það má nú segja að sumarið sé komið. Það var fjölmennt í grilli hérna í Arahólum á Sumardaginn fyrsta og var grillað lamb og svín. Það borðuðu allir yfir sig og eru örugglega saddir en í dag.
Ég og Jón höfum bara verið að “chilla” síðustu daga reyna að njóta góða veðursins. Það er EKKI gaman að vera svona fatlaður í góða veðrinu því ekki getur maður farið að hjóla,ekki sund, ekki á línuskauta en maður getur þó labbað mjög stuttar vegalengdir. Hitt verður bara að bíða betri tíma.
Gær fórum við í heimsókn í Hofslundinn, þær ætluðum við að fá lánaðar klippur til að klippa í garðinum okkar. En það vildi svo heppilega til að húsbóndinn ætlar bara að hjálpa Jóni við verkið og koma með kerru og allt til verksins.
Við fáum íbúðina afhenta 1.maí.Við erum búin að fá leigjendur í íbúðina okkar og vonum við bara að við höfum valið rétt fólk.
Áslaug keyrði mig í myndatöku í morgun. Ég skundaði inn í Domus Medica á 2 hækjum á mitt járnstykki í vinstri fæti og í afgreiðslunni stóð “elskuleg” kona við að afgreiða. Enginn stendur við afgreiðsluborðið þegar við komum inn en samt spyr þessi “elska” “hver er næstur” tja hver ætli sé næstur??? Jú það var ég. Þessi “elska” hafði ekki fyrir því að segja góðan daginn. Ég var með beiðni með mér frá Þorvaldi og rétti þessari “elsku” hana. Ég viðurkenni að beiðnin var ekki vel skrifuð en þessi “elska” stappaði niður fótunum og segir “hvað á að mynda? Vinstra LUNGA?” Ég horfði á Áslaugu og hugsaði hvort þessi “elska” væri ekki að grínast. Ákv að segja ekki orð. Svo æddi þessi “elska” eitthvert inn til að spyrja einhverjar konur hvort þær gætu lesið þetta. Ég sagði svo við hana að það ætti að mynda vinstri lærlegg (femor) og læknirinn væri Þorvaldur Ingvarsson.
Svo var komið að því að borga. Ég var búin að setja á borðið kortið mitt og afsláttarkortið. Þessi “elska” spyr ertu með afsláttar kort?? Jú, það var beint fyrir framan nefið á henni. Þá segir þessi “elska” við hina afgreiðslu dömuna það er enginn afsláttur gefinn með þessu korti er það?? Ekki vara það alveg rétt hjá “elskunni” og ég fékk að borga 820 í staðin fyrir 2000 og eitthvað.
Vildi bara deila þessu með þér lesandi góður. Þar sem ég hef farið ca 8 sinnum í myndatöku í Domus á síðustu vikum er alltaf eitthvað sem kemur manni skemmtilega á óvart. Að aldrinum að dæma getur breytingarskeiðið verið að fara svona illa í “elskuna” eða eitthvað allt annað......amk var þjónustulundinn ekki til staðar í dag.

Nóg komið í bili
Kveðja Katla

GLEÐILEGT SUMAR:)

Það er lítið annað í fréttum en ég lifði flugferðina af í gær (Anna Huld bara láta þig vita.)
Ég og Kristján flugum saman til Reykjavíkur í gær og gekk það vel fyrir utana smávægilega byrjunarörðuleika. Okkur var úthlutað sæti 1 A og B. Þegar ég ætlaði að taka arminn upp sem er á milli sætanna þá gat ég það ekki, þeir eru semsagt fastir í sæti NR 1. OK, þá ætlaði ég að athuga hvort ég gæti nú ekki látið þetta sleppa og troðið mér í sætið....neinei engan vegin gat ég sest í sætið nema með aðra rasskinnina (það var semsagt járnið á fætinum sem tekur svona mikið pláss). Mér var farið að líða einsog ég væri offitusjúklingur eða tröll af stærstu gerð. Jæja, það var orðið ljóst að ég gat ekki setið í þessum sætum hvorki A né B. Þá spurði ég nú bara konuna fyrir aftan okkur sem var með 2 lítil börn hvort hún vildi ekki skipta við okkur um sæti. Jú, það var sko ekkert mál fyrir hana og börnin. Börnin spurðu reyndar "afhverju erum við að standa upp", þá sagði mamman "svo konan geti sest í sætið". Jebb, það er alltaf vesen í kringum mig hvar sem ég er og geri!!!

Veðrið í Reykjavík á SUMARDAGINN FYRSTA er bara alveg ljómandi gott. Reyndar ekki sól einsog er en hún kemur. Ætlum að fara eitthvað út og tek mér stuttan göngutúr í leiðinni.

Hafið það gott, hvernig væri að grilla í tilefni dagsins??
Kveðja
Katla

Mynd í tilefni dagsins.
Sól og sumar í París 2004:)

Home sweet home....

OOOOOOO.....já það er heimferð á morgun. Ég er alveg búin að fá NÓG af spítalavist í bili. Það er annars allt gott að frétta. Aðgerðin í gær tókst ljómandi vel og þá er bara að halda áfram að skrúfa og skrúfa. Ég skrúfaði 2 mm í dag og svo fer ég í myndatöku í fyrramálið Ég reikna með að skrúfa bara 1 mm á dag það sem eftir er.
Fóturunn hefur það bara ágætt með smá verki annað slagið. Þessum læknum fannst ég nú bara nokkuð spræk að vera á röltinu of finna svona lítið til....þeir eru bara að komast betur og betur að því að ég er OFURMENNI af bestu gerð!!!

Ég hlít að vera svona góðu vön hérna á FSA. Hef ekki haft svona herbergisfélaga áður. Þetta er svosem fínasta kelling en þegar maður vaknar fyrir klukkan 7 á morgnana vill maður nú kannski fá SMÁ FRIÐ til að leggja sig yfir daginn. Ef dóttir hennar er ekki hjá henni er einhver annar hjá henni, ef það eru ekki gestir er hún að tala í símann, ef hún er ekki að tala í símann er hún að þrífa sig , ef hún er ekki að þrífa sig er hún að dingla eftir lyfjum eða láta hjálpa sér og svo mætti lengi telja.......Svo ofaná allt hefur hún áhyggjur af því hvað ég borða lítið og hún skilur það ekki að hún er á ½ matarskammti en ég heilum!! Svona kellingar.....
Nóg komið að röfli í bili...

Brottför er héðan frá Akureyrarflugvelli klukkan 15.10 á staðartíma.

Ætla ekki að hafa þetta lengra í kvöld.

Góða nótt
Katla

Já, Þyrnirós er vöknuð.....

Jæja ég er vöknuð úr svæfingu nr 2 á einni viku og númer 4 frá 11 janúar. Ég er hætt að kvíða fyrir því að fara í svæfingu finnst það bara orðið gaman. Maður verður nú að hafa gaman að einhverju hérna. Fór í “aðgerðina” klukkan 2 og var komin uppá deild aftur klukkan 16. Svæfingalæknirn bauð mér að panta einhvern draum ég sagði að draumurinn ætti bara að vera góður.
Ég er búin að taka 2 parkódín svona til að geta verið á röltinu og til að þurfa ekki að hanga inní herbergi.
Beinið fór semsagt ekki alveg nógu vel í sundur fyrir viku síðan en núna er það POTTÞÉTT farið í sundur. Það á ekki að GRÓA saman aftur (lét hann vita af því að það átti ekki að gróa saman eftir síðustu heimsókn hingað). Þorvaldur sagði að ef þetta gréri saman aftur sendi hann mig í alsherjar rannsókn til að ath “límyndunina” í fætinum. Hann sagði að ég væri bara að svona góðum ættum.....það má nú hver og einn dæma um það:)
Ég hef samt eitthvað stækkað þessa viku sem ég er búin að dvelja hér.
Ég á svo að skrúfa 1 mm í dag og á morgun svo myndataka á miðvikudag. Þá verður Þorvaldur búin að fá nóg af mér í bili og sendir mig líklega heim með frímerki á rassgatinu (ef það er til svo stórt).
Held að ég sé farin að láta suma hérna fara of mikið í taugarnar á mér. Herbergisfélaginn er svolítið spes. Læknirnn kom til hennar í morgun og spurði hvernig henni gengi. Þá sagði konan “jú, ÞÆR segja að þetta gangi ágætlega” Hann var að spyrja hana hvernig gengi, en ekki hjúkrunarfólkið.
Svo er kona hérna í herbergi á móti tölvuherberginu sem ég sit í núna. Hún galar oft á dag “hjálp, hjálp vill einhver koma og hjálpa mér.” Svo spurði hún í morgun hvort hún ætti ekkert að fá að borða í dag. Þá var hún nýbúin að borða morgunmat.
Je dúdda mía hvað fær fólk til að vinna hérna!!
Yfir helgina er ég búin að vera meira og minna hjá Soffíu og Sveini. Þar hef ég fengið hver aðra veislumáltíðina...og svo toppuðu þau þetta í gær með að bjóða uppá heimabakaða perutertu....nammi namm ossalega góð.
Jæja þá fer að koma matur.
Bæjó í bili

P.S HVERNIG VÆRI AÐ SKRIFA Í COMMENT OG GESTABÓK?? NEI,BARA HUGMYND:)

FSA helgi...

Hæ hó
Ég mun dvelja í góðu yfirlæti á FSA um helgina. Beið til klukkan 17 í dag til að fá að vita að ég yrði hérna um helgina. Ég fór í myndatöku snemma í morgun. Þorvaldur læknir var á fundum til klukkan 16 og komst því ekki fyrr til að skoða myndirnar. Ég hef eitthvað stækkað en það er einsog beinið sé gróið saman öðru megin. Ég á að skrúfa áfram 2 mm á dag og svo myndataka á mánudag. Ef beinið verður enþá svoleiðs ætlar hann að endurtaka leikinn eins og hann gerði á þriðjudag. Ég hef ekki verið með neina verki í fætinum en það er samt eitthvað að gerast sem er GOTT;)
Það er bara hið besta mál að vera hérna um helgina. Hef ekkert suður að gera, Jón er að vinna alla helgina og ég fæ að fara á mánudag þriðjudag hvort sem verður gert eitthvað við fótinn eða ekki (ef fóturinn verður góður).
Ég reikna með að kíkja í heimsókn til Soffíu og Elsu Á. um helgina (þær fá engu um það ráðið) Ég bauð mér í mat til Soffíu og Sveins í gærkvöldi og fékk þennan ljúfenga plokkfisk og rúgbrauð!! nammmi namm

Vigdís Finnbogadóttir á 75 ára afmæli í dag. TIL HAMINGJU !! Hún heldur víst veislu í Perlunni, ef þú lesandi vilt fara í afmæli. Það eru allir velkomnir í afmælisveilsuna, ennnnnnn það kostar inn á afmælið NEMA EKKI fyrir alþingismenn!!! össsssss

Jæja gott í bili er að fara á rúntinn með Elsu Á.

Kveðja Katla

Koma svo.....

Halló
Héðan af FSA er allt gott að frétta. Ég kom hingað upp á FSA á mánudag og talaði við Þorvald. Hann er er alveg orðlaus yfir þessum hraða gróanda í lærinu. Hann sagði að það væri hægt að taka græjuna úr/af fætinum því það væri komið svo gott bein. En það er ekki það sem ég vil því fóturinn er aðeins búinn að stækka um 2 cm. Þá spurði hann hvort ég vildi láta skera í lærið og saga beinið í sundur ef hann gæti ekki brotið það með öðrum hætti. Ég fór svo í svæfingu á þriðjudag í hádeginu. Eftir að ég fékk rænu eftir svæfingu þreyfaði ég á lærinu til að ath hvort væri plástur/umbúðir en ekkert svoleiðist:) Hann náði að losa um beinið með öðrum hætti. Hann færði græjuna nær lærinu þannig að hún "krafti" betur. Ég skrúfaði svo 2 mm í gær og á að skrúfa 2 mm í dag. Það er frekar mikið að skrúfa 2 mm á dag. Á morgun fer ég í myndatöku og ef það lítur vel út og fóturinn hefur eitthvað lengst fæ ég að fara heim á morgun:) Ég finn ekki fyrir neinum verk né dofa í fætinum. Það er hætta á því að ef skrúfað er of hratt að taugar skemmist því á ég að fylgjast með því hvort tærnar dofni.
Soffía, Sveinn og Elsa hafa heimsótt mig þessa dagana. Það er frekar mikið að gera á deildinni núna. Konan sem er með mér á herbergi fór í aðgerð í morgun og kemur ekki á herbergið fyrr en á morgun.
1 árs nemar í hjúkrun eru þessa dagana í starfsnámi og eru nokkrar á þessari deild.
Veðrið er ljómandi gott á Akureyri í dag.

Jæja hef ekki meira að segja ykkur í fréttum. Ég hlakka til að sjá hvað kemur út úr myndatökunni á morgun!!!

Sjáumst Katla Björk

Svona lítur svo "sparibíllinn" út eftir allt saman......nýr bíll og nýr fótur....

Akureyri/Reykjavík-Akureyri/Reykjavík

Komið þið sæl kæru landar
Ég er að fara í enn eina ferðina til Akureyrar og ábyggilega ekki sá síðustu. Brottför klukkan 11 á morgun. Erindið er að brjóta/losa um fótinn. Semsagt það er gróið saman AFTUR!! Já, það átti sko ekki að geta gerst eftir síðustu heimsókn til Akureyrar. Hvað höfðinginn ætlar að gera í þetta sinn veit ég ekki:/

Helgin er búin að vera hin ágætasta. Amk er maður búinn að éta á sig nokkur aukakílóin. Við hjónin vorum gestakokkar á Laugarnesveginum (með aðstoð Hrafnhildar) á föstudagskvöldið og elduðum gúllas. Það var alveg ágætt. Svo var horft á þáttinn með Hemma Gunn og hann var svona lala...En mér finnst aftur á móti þátturinn Reykjavíkur nætur alveg bráðfyndinn:)

Á laugardaginn fórum við loksins í klippinguna. Það voru veikindi hjá klippi konunni þannig að þetta frestaðist til laugardags. Það gekk bara ljómandi vel og árangurinn eftir því.

Ég held að Hrafhildur og Kristján geti ekki án mín verið. Þessar ELSKUR komu í heimsókn seinnipartinn á laugardag og fengu þau vöfflur með ís....nammmmmm
Eftir að við vorum búin að liggja á meltunni fram á kvöld var ákv að fara á Stylinn í Hafnarfirði. Skildum svo Jón eftir í staffa partýi einhverstaðar lengst í rassgati þarna í Hafnarfirði.

Svo er það dagurinn í dag. Við fórum á fætur klukkan 10 og ferðinni var heitið í Garðabæ. Ég farðarði fermingarbarnið hana Bergnýju ásamt fleirum.
Fórum við svo heim að þessu loknu og mættum svo í heljarins veislu klukkan 17.00.
oooooooooogggggggggggggggg það var étið........og étið....og borðað meira og svo aðeins meira:) Þetta rosa flottar og góðar veitingar.

Jæja ég ætla að fara henda einhverjum fata tuskum og dóti ofaní tösku..

Hafið það gott:)
Katla

......ÖGN MEIRA Á FIMMTUDEGI

Vildi bara koma þessu á framfæri. Á þrennar hérna inní skáp merktar FSA:) Þær eru í öllum regnbogans litum....bara ef ykkur vantar mjög þægilegar dálítið þröngar í náranum..örugglega góðar fyrir ólétta/óléttar!!

COPY PASTE AF WWW.VISIR.IS

Nærbuxum stolið í tugþúsundatali
Eign þvottahúss spítalanna, nærbuxum með þessari áletrun, er stolið í tugþúsundatali ár hvert. Svo virðist sem ekkert fái stöðvað þessa gripdeild sem kostar skattborgara milljónir króna.

Skilaboð til sjúklinga á hurð þvottaherbergis sængurkvennadeildar Landsspítalans við Hringbraut segja að tuttugu þúsund stykki af nærfatnaði séu keypt inn fyrir sjúkrahúsið árlega. Bent er á að slíkt magn kosti mikla peninga og er þeirri spurningu varpað fram hvort sjúklingar fari heim í nærfatnaði merktum þvottahúsum sjúkrahúsanna.

Ljósmæður segjast gjarnan sjá slíkar nærbuxur í notkun þegar þær fara í heimavitjun. Það telst nokkuð sérstakt þar sem nærfatnaður sem þessi hefur hingað til ekki talist til hátísku. Eins eru til dæmi um að sjúklingar hafi komið í nærfatnaði frá sjúkrahúsunum þegar þeir hafa mætt til skoðunar þannig að ljóst er að einhverjir finna not fyrir nærfötin að sjúkrahúsdvöl lokinni.

Seigt í kellingunni....

JÁ, eina skýringin sem Þorvaldur getur sagt með þennan fót er sú að fóturinn grær svo hratt og beinið/vefurinn er svo seigur að þessi magnaða græja ásamt 6 stálpinnum (sem kostaði mörg hundruð þúsund) meikar ekki að toga þess segju út!!! Alveg er þetta magnað!!! Þannig að nú á ég að skrúfa oftar á dag og vona það besta. Eða fá Öldu Jóns í heimsókn þá gerist amk eitthvað í fætinum, ekki að hún hafi gert eitthvað við fótinn......

Í dag keyrðu Grani og Hrafnhildur mér í þjálfun. Auglýsingarnar mínar hérna fyrir Grana ehf hafa virkað. Frétti að það sé aukaferð með Helgu á morgun til doksa, brjálað að gera!!

Svo er komið að langþráðri klippingu og strípum í DAG:) Ég ætlaði að fara þegar ég væri hætt að skrúfa en þar sem ég sé ekki fram á að hætta því í bráð get ég ekki beðið lengur, enda ekki orðið sjón að sjá mig.....

Um helgina verður næstum öll móðurættin stödd hérna í bænum vegna fermingar. Þannig að það á eftir að vera nóg að gera um helgina. Ég var einmitt að snyrta fermingardömuna hana Bergnýju í gærkvöldi. Hún er nú svo sæt að það þurfti lítið að snyrta dömuna.

Tja...held að ég geti bara ekki sagt ykkur neitt fleira og ekki heldur logið neinu í ykkur...

Kannski að þið sem lesið þetta kvittið í gestabókina og eða commentið og segið mér eitthvað magnað...

Meðfylgjandi eru myndir frá því á mánudag úr röntgen
Bestu kveðjur
Katla, bara nokkuð seig

Nokkrar línur fyrir svefninn

Hæ hó

Mér datt ekkert betra aprílgabb í hug heldur en þetta með Kringluna veit ekki til þess að það hafi verið einhverjar geggjaðar útsölur þar!! Var búin að ákv að segja ég hefði skroppið í sund eða eitthvað álíka ógáfulegt!! Geri það eftir ár, því með þessu áframhaldi verð ég með járnadraslið þá!!
Ferðin til Reykjavíkur gekk vel. Byrjaði að snjóa á okkur á Hellisheiðinni og svo moksnjóaði í Reykjavíkinni. En það er allur snjór horfin í dag.
Það gengur afskaplega hægt hjá þessum fæti að stækka. Hann er ekkert að flýta sér. Ég fór í myndatöku í dag og samkvæmt mælingum Þorvaldar eru komnir 5 mm síðan ég var síðast í myndatöku og það eru 2 vikur síðan!! Ég skrúfa 1 mm á dag og ekki veit ég hvar þessir mm eru. Það eru engir verkir í fætinum og þá finnst mér lítið vera gerast. Ég verð kannski laus við járnadraslið fyrir jól!!
Ég fór með Hrafnhildi og Kristjáni í Kolaportið í gær. Þar kom fólk á tal við mig sem ég hef séð og hitt áður og svo aðrir sem ég þekki ekki neitt.
Eftir að ég og Kristján höfðum skilað Hrafnildi á Hrafnistu þá kíktum við í vinnuna til Jóns. Þetta lítur bara þokkalega út þarna hjá honum.
Hrafnhildur elska fór með mig í þjálfun og svo í myndatöku. Þetta ferðalag gekk bara vel hjá okkur. Hún fylgdist meira að segja með myndatökunni.
Svanur sjúkraþjálfari er að hætta eftir 1 mánuð og flytja til Nýja Sjálands. Ég er að hugsa um að fara eitthvert annað eftir að hann hættir. Á einhvernstað sem ég get t.d farið á göngubretti og meira úrval af tækjum til að æfa sig í.
Elísa vinkona kom til mín í dag. Við fórum á Nings og fengum okkur gott að borða og keyrðum svo gestinum Mosfellsbæinn.

Góða nóttina

Í blíðunni fyrir austan

Komið þið sæl
Ég og Jón erum búin að dvelja í sveitasælunni fyrir austan síðan á föstudag. Búið að vera mjög gott veður alla vikuna.
Við lögðum af stað úr Reykjavík klukkan 16 á föstudaginnlanga. Veðrið var gott en það var leiðindar þoka á leiðinni.
Þar sem að allar bensínstöðvar á suðurlandi voru opnar á þessum degi. Ákv við að taka bara bensín í Freysnesi. Neibb...allt lokað þar. Þar sem okkur var tjáð að það væri sjálfsali á Fagurhólsmýri keyrðum við ánægð í bragði. Þegar átti að fara skella kortinu í þennan flotta sjálfsala neinei hann var BILAÐUR!!! Þá voru góð ráð dýr. Við hringdum í Hestgerði til að ath hvort eitthvað bensín væri þar að fá. Jú þar var hægt að fá keypt bensín á þessum drottins degi. Við þurftum því að keyra 60 km á síðustu dropunum en þar sem við erum á svo sparneytnum og GÓÐUM bíl dugði bensínið!!! Steinunn bóndi í Hestgerði sagði að það hefði verið mikið að gera allan daginn í bensíninu.
Í Starmýri komust við að lokum. Gistum þar eina nótt og fór svo upp á Fossárdal. Á Páskadag var farið í morgunkaffi til Guðnýjar og Hafliða og svo étin páskaegg.
“Enginn getur sinnt tveimur herrum” Það var málhátturinn sem kom úr mínu eggi.
Eftir allt þetta át var farið í smá bíltúr út á Streitishvarf þeir sem eru á tveim jafnfljótum fóru í göngutúr en við sem göngum á einum á hálfum fæti sátum úti í góða veðrinu.
Lítið merkilegt hefur svosem gerst þessa daga eða amk ekki það sem skrifað hér.
Ég kíkti á kanínurnar og er dafna þær vel í sveitinni. Ég keyrði Yarsinn og gekk það mjög vel.
Það eru margir búnir að eiga afmæli á síðustu dögum. Þar má telja Jóhann Atla 13 ára, Elsu Ágústu 25 ára og Guðbjörgu 30 ára, óska ég ykkur en og aftur til hamingu með afmælin.
Jæja það er best að fara koma sér af stað til Reykjavíkur. Maður nær kannski til lokunar í Kringlunni en þar eru allar búðirnar með 50-80% aflátt af ÖLLUM vörum.

Eigið góðan dag